[i57i]
DE LA VILLE DE PARIS.
293
tin, en l'Hostel d'icelle Ville, pour nous accompai-gner à aller à la procession generalle, qui se fera de l'eglise Nostre Dame de Paris en l'eglise de la Saincte Chappelle, où assistera le Roy en personne. Si n'y faictes faulte.
«Faict au Bureau, le xc jour de Mars mil vc soixante unze, n
Pareilz mandemens ont esté envoiez aux aultres Quarteniers de lad. Ville(1'.
De par les Prevost des Marchans et Eschevins de la Ville de Paris.
«M0 Robert Danès, Quartenier de lad. Ville, faictes commandement aux bourgeois de vostre quar­tier de tendre tappisserye devant leurs maisons, par­devant lesquelles la procession generalle qui se fera le jour de demain, où assistera le Roy en personne, doibt passer. Et n'y faictes faulte.
"Faict au Bureau de lad. Ville, le dixiesme jour de Mars mil v° lxxi. r>
Pareilz mandementz ont esté expédiez à Guerrier et à Perrot.
#e par les Prevost des Marchans et Eschevins de la Ville de Paris. --Cappitaine des archers de lad. Ville, trouvez vous demain, à six heures du matin, devant l'Hostel d'icelle Ville, avecq trente personnes de vostre nombre, garniz de leurs hallebardes et vestuz de leurs hocquetons de livrées, pour nous accompaigner à aller à la procession generalle, qui se fera de l'eglise Nostre Dame de Paris en l'eglise de la Saincte Chappelle, où assistera le Roy en personne, et donner ordre qu'il n'y soict faict aulcun desordre ou tumulte.
"Faict au Bureau, le dixiesme jour de Mars. mil vc lxxi f'2'.-
Pareilz mandemens ont esté envoyez aux arbales­triers et harquebuziers de lad. Ville.
Suyvant la volunté du Roy et les mandemens cy dessus, mesd. s" les Prevost des Marchans, Esche­vins, Procureur, Receveur, Greffier, Conseillers, Quarteniers et bourgeois de lad. Ville, ou aulcuns d'iceulx, sont partiz de l'Hostel de lad. Ville, le dimanche, unzeiesme jourdu present moys, environ l'heure de huict heures du matin, et sont allez, es-tantz mesd. sieurs. Greffier et Procureur vestuz de leurs robbes de livrées, lesd, archers, arquebuziers, arbalestriers et sergens de lad. Ville, marchans de­vant eulx, en l'eglise Nostre Dame de Paris(3), el de ce lieu en l'eglise de la Saincte Chappelle; de la­quelle ilz sont partiz en ordre de procession, en­viron une heure de rellevée(4), et sont retournez en lad. eglise Nostre Dame, marchans devant les gens d'église, mesmes aulcuns evesques portans les sainctes relicques, Messieurs les Cardinaulx de Guyse,Pellevé,de Lorraine etde Bourbon, l'evesque de Paris faisant l'office, les cent gentilzhommes, le Roy, Messeigneurs les ducs d'Anjou et d'Alençon freres du Roy, duc de Guyse et plusieurs aultres princes,princesses, seigneurs et dames; puis après, Messieurs de Ia court de Parlement, du costé dextre, et de l'aultre costé, Messieurs des Comptes et de lad, Ville. En laquelle eglise fut dicte et célébrée la saincte messe par led. sieur evesque de Paris, en la ma­niere en tel cas accoustumée, estans assis mesd. S" de la Ville ès haultes chaises de lad. eglise, du costé senestre, tirant vers le principal autel. Et après la messe dicte, mesd. sieurs allerent reconduyre les
(,) Ces deux lignes ne se trouvent que dans B. • (-> L'original de ce mandement, adressé au capitaine des archers, se trouve avec des Acquits du Domaine (Archives nat., H 2o65').
(3) La procession est annoncée en ces termes dans Ie Registre capitulaire, à la date du samedi io mars : -Crastina die fiet processio generalis ad Sacram Capellam regalis Palatii, reversura ad ecclesiam Parisiensem, in qua celebrabitur missa solemnis per reverendum domimim episcopum Parisiensem, cui assistent domini succentor et Foucquet ad Evangelium et Epistolam. Et comparebunt hora octava mane cumeapis omnes ecclesie capilulo subdite, juxta intentionem et djvotionem serenissimi et christianissimi domini Regis, adexorandum Deum eique gi-atias agendum de prospéra et felici successu domini nostri Regis el Régine, ejusque consortis. {Archives nat., LL 260, p. 467.)
-*> L'auteur d'un journal contemporain, Jehan de La Fosse, curé de Saint-Barthélemy, signale le retard duRoi etun incident qui troubla un instant la cérémonie : o A la vérité le Roy fut tardif d'assister à lad. procession, et de faict il estoit plus de deux heures d'après midy, dont le peuple se formalysa; toutesfois le Roy n'estoit des paresseux à la messe. Durant ceste procession, il y eust un page de M. de Guise qui fust frappé par un archer, dont estant adverty led. s' de Guise chercha led. archer, et l'ayant trouvé en service, en la presence de plusieurs, le fit mettre à genoux et commanda à son page de luy rendre ce qui luy avoit presté, de sorte que le page donna aud. archer deux petits soufflets, puis M. de Guise le .souffleta avec son gant». (Journald'un curé ligueur de Paris, publié par E. de Barthélemy, Paris, Didier, i865, in-12, p. 127.)